الاعلامي احمد رياض العراقي

<div dir="rtl" style="text-align: right;" trbidi="on"> أوزان الشعر الشعبي العراقي<br /> أسم الوزن ....... تفعيلاته<br /> 1. الأبوذية ... مفاعيلن/مفاعيلن/فعولن<br /> 2. النايل ... مستفعلن/فاعلن/مستفعلن/فاعلن<br /> 3. السريع ... مستفعلن/مستفعلن/فاعلن<br /> 4. الميمر ... مستفعلن/مستفعلن/مستفعل<br /> 5. التجليبة ... مفاعيلن/مفاعيلن/مفاعيلن<br /> 6. الهجري ... فاعلاتن/فاعلاتن/فاعلاتن/فاعلات<br /> 7. الموشح ... فاعلاتن/فاعلاتن/فاعلات<br /> 8. الطويل ... مفاعيلن/مفاعيلن/مفاعيلن/مفاعيلن<br /> 9. الحدي ... مستفعلن/مستفعلن<br /> 10. الشيالة ... مستفعلن/مفعولن/مستفعلن/مفعولن<br /> 11. الطردي ... مستفعلن/فاعلات/مستفعلن/فعل<br /> 12. الدارمي ... مستفعلن/فعلان/مستفعلاتن<br /> 13. الحلاوي ... مفعولن/فعولن/فعولن/فاعلن<br /> 14. يل سافرت ... مستفعلن/مفعولات/مستفعلن/فعل<br /> 15. النعي ... مستفعلن/مستفعلاتن<br /> 16. العتابة ... مفاعيلن/مفاعيلن/فعولن<br /> 17. عزيز الروح ... فاعلن/فعلن/فاعلن/فعلن<br /> 18. الفجري ... مستفعلن/فاعلات/مستفعلن/مفعولن<br /> 19. أعكَيلية ... فعلن/فعلن/فعلن/فعلن<br /> 20. المثذكَل ... مفعولات/مستفعلاتن<br /> 21. خايف عليها ... مستفعلاتن/مستفعلاتن/مستفعلن/مستفعلن/مستفعلاتن<br /> 22. أنا فتحنا ... مستفعلن/فاعلن/مستفعلاتن<br /> 23. المترادف ... مستفعلن/مستفعلن/مستفعلن/مفعولات<br /> 24. النصاري ... مفاعيلن/مفاعيلن/مفاعيل<br /> 25. الكَصيد ... فاعلاتن/فعولن/فاعلن<br /> 26. الأهجيني ... مستفعلن/فاعلن/فعلن<br /> 27. الشموس ... فاعلاتن/فاعلاتن/فاعلن/مفعول<br /> 28. المجرشة ... مستفعلن/مستفعلن/مستفعلن/مفعولن<br /> 29. الورد ... مستفعلن/مستفعلن/مستفعلن/فعلن<br /> 30. البحراني ... مستفعل/فعولن/فعلن<br /> 31. المفتون ... مستفعلن/مفعولات/مستفعلن/مفعولن<br /> 32. خدري الجاي ... مفاعيلن/مفاعيل/مفاعيلن/فعولن<br /> 33. يبن الحمولة ... مستفعلاتن/فعولن/فاعلن<br /> 34. المنسجم ... مستفعلن/مستفعلن/مستفعلن/فعل<br /> 35. الشبكَها ... فاعلاتن/فاعلاتن/فاعلاتن/فاعلاتن<br /> 36. إزريزير ... فعلن/فعولن/مستفعلن<br /> 37. الفائزي ... مستفعلن/مستفعلن/مستفعلاتن<br /> 38. جلمة ونص ... مستفعلن/مفعولات/مستفعلن/مفعولات<br /> 39. الزهيري ... مستفعلن/فاعلن/مستفعلن/فاعلن<br /> الباب الأول / المجموعة الرجزية<br /> بحر الرجز :<br /> من بحور الشعر العربي سداسي التفاعيل وأستخدم بهذا اللون لأغراض متعددة منها ( الحماسة والحروب ) يرتجل أرتجالاً ًلسهولة جرسه الموسيقي ورقته العالية وكثيراً مايكتب به العرب وتفعيلته الصوتية التامية هي ( مستفعلن / مستفعلن / مستفعلن ) والمجزوء منه ( مستفعلن / مستفعلن ) .<br /> أوزان الشعر الشعبي العراقي المشتقة من بحر الرجز<br /> بحر الرجز :<br /> 1. الحدي<br /> 2. المجرشة<br /> 3. النعي<br /> 4. الفائزي<br /> 5. المترادف<br /> 6. خايف عليها<br /> 7. الميمر<br /> 8. الورد<br /> 9. المنسجم<br /> أولاً : وزن الحدي /<br /> أحد أوزان الشعر الشعبي العراقي المشتقة من بحر الرجز وهو مجزوء الرجز ، حيث كان يسمى قديماً في محافظة بابل بـ ( الشوملي ) والشوملي ناحية تابعة لقضاء المدحتية في محافظة بابل وسمية بهذا الأسم نسبة الى قصيدة أشتهرت في هذه المدينة . ومطلعها :<br /> عالشوملي .. وعالشوملي<br /> نارك .. ولا جنة هلي<br /> شفته على بير الجرد وأمترس أعبوبه ورد<br /> كَتله يبو كَذيله درد لفرش حصر وأطرد هلي<br /> عالشوملي ... وعالشوملي<br /> (( وفيه تراكيب فنية منها الرباعي والنص والمفتوح . ))<br /> وهذا نص مفتوح ( للشاعر كامل سواري )<br /> من يشتري .. من يشتري .. وسط المزاد العلني<br /> أسمي وهويتي ودفتري .. قررت أظل بلا وطن<br /> رحّال حظي وقدري .. قررت أصيرن غجري<br /> من يشتري قيثارتي .. وحبي وعواطف وتري<br /> وشعري وجوازي .. وحتى فيزة سفري<br /> ومن يشتري نكَطة* حيائي وفرس جدي وصايته*.. وحته سفيفة* خنجري<br /> قررت أهاجر عن وطن .. طبّه* مغولي وتتري<br /> قررت أصيرن غجري .<br /> تنــويـــه :<br /> نكَطه / نقطه<br /> صايته / ( الصاية ) بدله رجالية تحت العبائة<br /> سفيفة / الحزام يربط به الخنجر<br /> طبّه / ( طب ) الدخول ويقصد بها هنا دخول المحتل<br /> مثال أخر للشاعر كاظم أسماعيل الكاطع :<br /> شمام* ظلمه محبتي ( مستفعلن / مستفعلن )<br /> وديلي* من خدك ضوه (مستفعلن / مستفعلن )<br /> مقفوله نيات العشك* ( مستفعلن / مستفعلن )<br /> وأنته شبابيج*وهوه ( مستفعلن / مستفعلن )<br /> ومسدوده بيبان العشك ( مستفعلن / مستفعلن )<br /> وأنته* مفاتيح وضوه ( مستفعلن / مستفعلن )<br /> مهجوره بيبان العشك ( مستفعلن / مستفعلن )<br /> طفيني مابيه احترك* ( مستفعلن / مستفعلن )<br /> كل الجروح أتلايمت * ( مستفعلن / مستفعلن )<br /> بس جرحي ظل بلا دوه ( مستفعلن / مستفعلن )<br /> واكَلوبنه* من أول عشك شبن سوه* ( مستفعلن / مستفعلن / مستفعلن)<br /> تنــويـــه :<br /> شمّام / رائحة البطيخ ( البطيخ الصغير الحجم )<br /> وديلي / أبعث لي أو أرسل ليّ<br /> العشك / العشق ( لأن ق تقرأ في كتابة الشعر الشعبي العراقي كَ )<br /> شبابيج / شبابيك<br /> أنته / أنتَ<br /> أحتركَ / يحترق جسدي<br /> أتلايمت / شفيت وألتأم الجرح<br /> اكَلوبنه / قلوبنا ( جمع قلب )<br /> شبن سوه / تربن وترعرعن معاً<br /> مثال للشاعر مظفر النواب :<br /> شفافك ولا أكَولن* ورد ( مستفعلن / مستفعلن )<br /> جوريه معكَوده عكَد * ( مستفعلن / مستفعلن )<br /> لا هي دفو .. لا هي برد ( مستفعلن / مستفعلن )<br /> أنه أبوصفهه* راح أجن ( مستفعلن / مستفعلن )<br /> حن .. وأنه أحن ( مستفعلن )<br /> جفنك جنح فراشه غض ( مستفعلن / مستفعلن )<br /> وحجاره جفني وماغمض ( مستفعلن / مستفعلن )<br /> يالتمشي بيه أويه* النبض ( مستفعلن / مستفعلن )<br /> روحي أعله* روحك تنسحن ( مستفعلن / مستفعلن )<br /> حن ... وأنه أحن .. ( مستفعلن )<br /> تنــويـــه :<br /> أكَولن / أقول<br /> معكَوده عكَد / مشدودة على شكل عقد<br /> أنه . أبوصفهن / أنا . بوصف جمالهن<br /> بيه . أويه / بيّ . مع<br /> أعله / على<br /> ثانياً : وزن المجرشة /<br /> وهو وزن مشتق من بحر الرجز ويعتبر من الأوزان المتداولة بين الشعراء الشعبيين كونه ذا موسيقى عالية وإيقاع سلس . ويتكون من أتحاد وزنيين مختلفين هما :<br /> الحدي ( مستفعلن / مستفعلن ) والشيالة ( مستفعلن / مفعولن ) وسبب هذه التسمية بالمجرشة يعود الى قصيدة معروفة نظمت بهذا الوزن لأول مرة مطلعها :<br /> ذبيت روحي أعله الجرش ... وأدري الجرش ياذيهه<br /> ساعه وأكسر المجرشه ... وأنعل أبو راعيهه<br /> ( مستفعلن / مستفعلن / مستفعلن / مفعولن )<br /> وأيضاً يكتب بتراكيب عديدة والمتعارف فيها الرباعي والنص والمفتوح . وقصيدة على التركيب الرباعي ( للشاعر شاكر التميمي ):<br /> أهنا يمن جنه وجنت .. جينه وأوكَفنه أبابك *<br /> برغم الجروح أتظل حلو .. وينضح كرامه أترابك<br /> * * * * *<br /> أهنا يمن جنه وجنت .. ياوطن فدوه أغديلك *<br /> والروح لو جدمك عثر .. كَبل الجفوف أتشيلك *<br /> خليني أفك صدري ألك .. ياوطن خل أشكيلك *<br /> بالعسر شو محد ألك .. باليسر كلهه أحبابك *<br /> * * * * *<br /> أهنا يمن جنه وجنت .. يابو المجد والغيره<br /> يل بسمك امدوخ الدول .. وأحتارت بتفسيره<br /> دولاب وكتك لو عكس .. بجفوفك أنته أديره<br /> كعبه أنته والعالم يظل .. يتعبد أبمحرابك<br /> * * * * *<br /> اهنا يمن جنه وجنت .. ياوطن ترجع جنه<br /> واحزام ظهرك بالمحن .. كل أحنه شيعه وسنه<br /> شباج أمام أنته تظل .. دمنه أعله كَبتك حنه *<br /> تتعافه ياموطن هلي .. وجفنه اليضمد أصوابك<br /> تنوهيه:<br /> يمن / تأكيد (من)<br /> جنه / كنا<br /> جنت / كنت<br /> جينه / أتينا ( جاء )<br /> وكَفنه / وقفنا<br /> فدوه / التضحية ، الفداء للحبيب<br /> أغديلك / أغدو لك ، أضحي لك<br /> جدمك / قدم رجلك<br /> كَبل / قبل<br /> الجفوف / الكفوف ( كف اليد )<br /> أتشيلك / تحملك<br /> أفك / أفتح صدري لك<br /> كلهه / الهاء مكرره بدل الألف الممدودة للضرورة<br /> شباج / شباك<br /> كَبتك / قبة المراقد<br /> (( أن تفاعيل هذه القصيدة جاءت على النحو التالي : مستفعلن / مستفعلن / مستفعلن / مفعولن ))<br /> علماً أن هذا اللون والتركيب كتب بصيغة الأغنية الشهيرة التي غناها الفنان داخل حسن:<br /> أهنا يمن جنه وجنت .. جينه وأوكَفه أبابك<br /> ولف الجهل ماينسه .. أشمالك نسيت احبابك<br /> مثال أخر :<br /> قصيدة للشاعر مظفر النواب على وزن المجرشة وغناها الفنان فاضل عواد :<br /> أشكَد رازقي ونيمته * ( مستفعلن/مفعولن ) وزن الشيالة<br /> وأشكثر هجرك عاشر ليالي الهوه وما لمته (مستفعلن/مستفعلن مستفعلن/مفعولن)<br /> أنته السحنت الليل بكَليبي وكَلت موش أنته (مستفعلن/مستفعلن/ مستفعلن/ مفعولن)<br /> يامه اسفحتلك بالليالي أدموع جانت ترفه (مستفعلن/مستفعلن/مستفعلن/مفعولن)<br /> يامه الدمع ضوه سواد العين عينك صلفه (مستفعلن/مستفعلن/مستفعلن/مفعولن)<br /> يامه التراجي مرجحن حسك الصافي وغفه (مستفعلن/مستفعلن/مستفعلن/مفعولن)<br /> ماجيت نيمني الثلج والشته كله أتعده (مستفعلن/مستفعلن/مستفعلن/مفعولن)<br /> لا بالمحطه رف ضوه (مستفعلن/مستفعلن ) وزن الحدي<br /> لا خط أجانه من البعد ... لا ريل مر عالسده (مستفعلن/مستفعلن/مستفعلن/مفعولن)<br /> تنويه :<br /> أشكَد / كم ، تشير للعد<br /> أشكثر / تشير للكمية<br /> لمته / اللوم<br /> السحنت / فعل مؤلم<br /> بكَليبي / بقلبي<br /> كَلت / قلت<br /> موش / مو ( تأتي ليس أنت )<br /> أسفحت / ذرفت الدموع<br /> جانت / كانت<br /> التراجي / الأقراط ( الحلي الذهبية )<br /> مرجحن / داعبن تشبيهاً بالمراجيح<br /> السده / قنطرة . معبر على جدول صغير<br /> مثال: أغنية ( لا خبر ) للفنان فاضل عواد من كلمات الشاعر طارق ياسين من أشهر الأغاني التي نظمت على وزن المجرشة :<br /> لا خبر لا جفيه لا حامض حلو لا شربت<br /> كَالو صوانيكم .. أشموع أنترست *<br /> والتمت الحلوات من كل بيت حلوه ألتمت *<br /> وأترف أصابع ليلة الحنه بعذابي أتحنت<br /> فد نوب مامش وفه لهنا وصلت *<br /> فد نوب مامش طيب لهنا وصلت<br /> * * * *<br /> مشينه لهلج والكَمر ويه النجم خطابه *<br /> وصغنالج أنجوم الثريه انجوم ياحبابه<br /> يلي أمحبتج شجرة أصنوبر بوحشة غابه<br /> ماريد حب جذابي أيعذب أكَلوب أحبابه *<br /> ماريد عشره من شمع وسط الشمس تتفتت<br /> لا خبر لا جفيه لا حامض حلو لا شربت<br /> تنويه :<br /> كَالوا / قالوا<br /> صوانيكم / أطباق كبيرة تستعمل للطعام<br /> أنترست / أمتلأت<br /> ألتمت / تجمعت<br /> فد نوب / عملية أنكار<br /> مامش / لا يوجد<br /> لهلج / الى أهلك ، عائلتك<br /> الكَمر / القمر<br /> ويه / مع<br /> جذابي / كذاب<br /> ثالثاً : وزن النعي /<br /> احد اوزان الشعر الشعبي المشتقة من بحر الرجز وهو من الأوزان المستقلة والقديمة يرجع تأريخ نشأته الى الثلث الأول من القرن التاسع عشر الميلادي والشاعرة ( فدعه ) هي أول من أشتهر بنظمه حيث كانت تلقب بخنساء خزاعة .<br /> يكتب وزن النعي بتفعيلتين هما ( مستفعلن/مستفعلاتن ) و ( مستفعلن/مستفعلاتان ) وينظم بعدة تراكيب اكثرها شيوعاً ( الرباعي والأندلسي )<br /> مثال 1:<br /> الشاعرة فدعه وهي تخاطب أخيها ( حسين ) عندما أصيب في أحد النزاعات العشائرية<br /> اشما تون ياخوي أناعي * (مستفعلن/مستفعلاتن )<br /> أشمفضاه خلكَي وشوساعي ( مستفعلن/مستفعلاتن )<br /> يميمر عرب يبن الخزاعي ( مستفعلن/مستفعلاتن )<br /> عربيد والجابوك أفاعي ( مستفعلن/مستفعلاتن )<br /> اشلون الغنم من غير راعي ( مستفعلن/مستفعلاتن )<br /> تنويه :<br /> أشما / كلما<br /> تون / الأنين<br /> أناعي / تعبير عن الحزن<br /> أشمفضاه / مامدى سعة مزاجي<br /> خلكَلي / مزاجي<br /> وشوساعي / تعبير عن راحة البال<br /> عربيد / ذكر الأفعى<br /> الجابوك / أتوا بك<br /> وكذلك كتبت الشاعرة شمسة البغدادية بهذا الوزن أغلب قصائدها .<br /> مثال2:<br /> نص غنائي على وزن النعي للشاعر أسعد المياحي .<br /> تمنيت أشوفك هسه يمي ( مستفعلن/مستفعلاتن )<br /> مثل الجبل عالكَلب همي ( مستفعلن/مستفعلاتن )<br /> ماكَمت أميز صوتي والناي ( مستفعلن/مستفعلاتان )<br /> صارن نعاوي ويبجن اوياي ( مستفعلن/مستفعلاتان )<br /> خالي وأطلبه أبريحة أمي ( مستفعلن/مستفعلاتن )<br /> تنويه :<br /> يمي / بقربي<br /> كَمت / أقوم<br /> أميز / أشخص<br /> نعاوي / أنشاد حزين<br /> يبجن / البكاء<br /> مثال3 :<br /> نص كتب بوزن النعي الأندلسي للشاعر عبدالكريم القصاب :<br /> نام برغد نيشان هيبه كَبرك مهد سهران ليله<br /> غيرك تمرجحله بكَصيبه ومرجوحتك ظهر الكحيله<br /> * * * * *<br /> سلهم يبو النفس العزيزه ماضاف طيف الهموم<br /> لا ظلمه كَبرك لا نزيزه خطار ليلك كَمر ونجوم<br /> الخاصمك عينه فزيزه مرعوب من جلده والهدوم<br /> بلسانه .. بفراشه كَزيزه يحجي يتكَلب بيك ملجوم<br /> يازين يا فارس النيبه يل تدك بابك العيله<br /> العشك سيف وكره جيبه مامون وأمدلل دخيله<br /> تنويه:<br /> نيشان / علامة<br /> كَبرك / قبرك<br /> تمرجحله / ترنح بظفيرة أمرأة<br /> الكحيله / الفرس<br /> سلهم / أسترخى للنوم<br /> نزيزه / مياه جوفية قريبة من السطح<br /> فزيزه / أفقأت عينه<br /> كَزيزه / زجاج مهشم<br /> يحجي / يتكلم<br /> يتكَلب / يتقلب على فراشه<br /> ملجوم / مصاب<br /> النيبه / الوغى<br /> رابعاً : وزن الفائزي/<br /> وهو مشتق من بحر الرجز ويتكون من أتحاد وزني الحدي ( مستفعلن/مستفعلن ) مع عجز النعي ( مستفعلاتن ) وسمي بهذا الأسم نسبة الى الشاعر والخطيب ( الملا علي بن فائز ) وعرف هذا الوزن في الأوساط الشعبية ( بالفائزيات ) ومثال على ذلك قصيدة للشاعر بن فائز :<br /> من دار جده أبو علي ساك الضعينه<br /> شال بحريمه وأخوته من أرض المدينه<br /> * * * *<br /> شبان محلاهم بني هاشم على الخيل<br /> يوم اطلعو من المدينه تالي الليل<br /> سار أبجمعهم بين تكبيراً وتهليل<br /> مثل السباع أتحوم من حول الضعينه<br /> ومن أشهر الأغاني التي نظمت على وزن الفائزي للفنان حضيري أبو عزيز<br /> عمي يبياع الورد ... كَلي الورد بيش<br /> خامساً : وزن المترادف /<br /> احد الأوزان المشتقة من بحر الرجز . وتؤكد المصادر أنه أنتشر في الثلث الأول من القرن العشرين في بغداد وهو وزن غنائي يتكون من أتحاد وزني الحدي ( مستفعلن/مستفعلن ) ووزن الجلمة ونص ( مستفعلن/مفعولات ) وأول من نظم على هذا الوزن الشاعر ابراهيم الشغنون في عام 1928 وسمي بالمترادف لأن الوزنين أحدهما يردف الأخر ومن التراكيب التي يكتب بها ( الرباعي والمقسوم )<br /> مثال :<br /> قصيدة للشاعر مجيد لطيف القيسي :<br /> أهويتك يمن مثلك فلا ظنيت ألي يحصل عون<br /> حبيتك وما حسبت تطلع ألي فرعون<br /> * * * *<br /> هذا جزاة ألي يحب شخصك يمحبوب الروح<br /> أبنارك تاليه يشب وأتعوفه هايم وينوح<br /> خدّاع بالحب معرفت تالي أطلعت يامفضوح<br /> ماترعه للزاد وفلا ترعه حكَوك الماعون<br /> سادساً : وزن خايف عليهه /<br /> مشتق من بحر الرجز وهو وزن غنائي يتكون من أتحاد وزنين هما تكرار عجز النعي ( مستفعلاتن/مستفعلاتن ) ووزن الفائزي ( مستفعلن/مستفعلن/مستفعلاتن ) سمي بهذا الأسم نسبة الى أول قصيدة نظمت به والتي غناها الفنان ( ناظم الغزالي ) وهو أول من غنى على هذا الوزن .<br /> خايف عليهه ... تلفان بيهه<br /> شامه ودكَه بالحنج ... من يشتريهه<br /> تنويه:<br /> عليهه / عليها<br /> تلفان / مغرم حد الجنون<br /> دكَه / الوشم<br /> الحنج / الذقن<br /> وقد كتب الشعراء والرواديد الحسينيين قصائدهم على هذا الوزن لموسيقاه السلسة .<br /> ومن الأغاني المشهورة ( كَوم أنثر الهيل ) للفنان حسين نعمة .<br /> سابعا: وزن الميمر /<br /> مشتق من بحر الرجز وهو من الأوزان الغنائية ذات الأيقاع الموسيقي الراقص وتنظم على وزنه القصائد التي تصاحبها الرقصة العراقية المعروفة ( الجوبي ) وتتناسق حركة الراقصين على تفاعيله . وتفاعيله كالأتي :<br /> مستفعلن/مستفعلن/مستفعل<br /> أو مستفعلن/مستفعلن/مفعولن<br /> أو مستفعلن/مستفعلن/مفعولات<br /> وقد سمي بهذا الأسم نسبة الى الأغنية العراقية الشهيرة<br /> عالميمر وعالميمر وعالميمر<br /> بيض النواهي على أشبيجه حدر<br /> ومن التراكيب الشائعة التي ينظم بها ( الرباعي والمجنس ) .<br /> مثال 1: للشاعر جبار المياحي :<br /> حبني أعله كَدي كون تكَدر حبني<br /> وماريد حبك يطلع أزغر مني<br /> كون أمن أكَدر حبك بكَد كَلبي<br /> وأنه أعله كَلبك هاك كَدر حبي<br /> لوما طلع زايد عليه عاتبني<br /> مثال2 : وزن الميمر المجنس للشاعر شاكر التميمي :<br /> للموت حبك ياترف ... ودانه تعني /أوصلنا<br /> وأعيون عدك جالفشك ودانه تعني /أطلاقة مدفع<br /> أشودك تكَلي أنته ولك ودانه تعني /رغبتي أنا<br /> بكل حيلي أحضنتك لو أعرف أتوذر<br /> * * *<br /> ماشوف دربي من القهر خلاني تعني /صرت أو أصبحت<br /> حبك وعني تكترك ... خلاني تعني /تركني<br /> نص مستوي بحبك ونص .. خلاني تعني /طري غير مطبوخ<br /> ظل هيج كَلبي من العشك يتمرمر<br /> مثال3 :<br /> من الأغاني الشهيرة التي نظمت على وزن الميمر أغنية للفنان سعدون جابر من كلمات الشاعر سعدون قاسم :<br /> جتني الصبح وعيونها ذبلانه<br /> حلفت يمين البارحه سهرانه<br /> مستاهله والله حيل<br /> روحي أشكي همج لليل<br /> أتذكرين من جنت أشكيلج أنه<br /> مثال4:<br /> كذلك أغنية للفنان قاسم أسماعيل من كلمات الشاعر كاظم أسماعيل الكاطع :<br /> ياعين وتكَولين خل أنسامحه<br /> من بعد بجاج ليل البارحه<br /> مشطي الجفن بالدمع<br /> ذوبيني مثل الشمع<br /> مامد أله أيدي وأكَول أمصالحه<br /> ثامناً : وزن الورد /<br /> مشتق من بحر الرجز وأول من نظم على هذا الوزن الشاعر ( حسن علي الوردي ) عام 1940 ويعتبر وزن منبري ويتكون من شطرين مختلفين يتكون الشطر الأول ( الصدر ) الحدي وعجز النايل ( مستفعلن/فاعلات/مستفعلن/مفعلن ) . وسمي بالورد نسبة الى قصيدة الوردي والتي تقول :<br /> الوردي يبعثلك ورد .. من شفه ورديه<br /> تشتمهه يبراهيم ... أطياب عطريه<br /> * * * *<br /> من روحي من عقلي بشغف .. دزيت ألك مكتوب<br /> كَصدي أريد أمواصلك .. لتخلي روحي أتلوب<br /> بدنياي ماغيرك ألي .. ياغالي يامحبوب<br /> أتغنه بسمك دوم .. وألهج أبطاريه<br /> ((ومن الملاحظ قلة الكتابة بهذا الوزن لثقل موسيقاه فندرة الكتابة به في عصرنا هذا)) .<br /> تاسعاً : وزن المنسجم /<br /> مشتق من بحر الرجز وأنتشر في الثلث الأول من القرن العشرين وأول من نظم بهذا الوزن ( الشاعر كاظم النجار ) عام 1931 ويتكون من أتحاد وزني الحدي ( مستفعلن/مستفعلن ) وعجز النايل ( مستفعلن/فعل ) ويكتب بعدة تراكيب ولكن الشائع منها ( الرباعي ) ومن أشهر الشعراء الذين كتبوا بهذا الوزن الشاعر ( الملا كاظم منظور الكربلائي ) حيث نظم القصائد الحسينية ومنها :<br /> جتال مرحب بالحرب لوردت برهانه ( قاتل)<br /> عمر أبن ود العامري إيخبرك بعنوانه<br /> وينظم هذا الوزن بعدة تفاعيل منها :<br /> ( مستفعلن/مستفعلن/مستفعلن/فعلان ) أو ( مستفعلن/مستفعلن/مستفعلن/فعلن )<br /> مثال1:<br /> يالايمي بحب النبي هو ضوه عيوني<br /> لو ضكَتو حب آل النبي ماجان لمتوني<br /> مستفعلن/مستفعلن مستفعلن/فعلن<br /> مثال2 :<br /> عجبه أعله كَلبي شكَد صبر من عاينك مصيوب<br /> مستفعلن/مستفعلن مستفعلن/فعلات</div>

أوزان الشعر الشعبي العراقي أسم الوزن ....... تفعيلاته 1. الأبوذية ... مفاعيلن/مفاعيلن/فعولن 2. النايل ... مستفعلن/فاعلن/مستفعلن/فاعلن ...

مزيد من المعلومات »